Bíbliuskeið í Nesvík 24. - 27. august
Bíbliuskeiðið hjá Heimamissiónini verður í Leguhúsinum í Nesvík 24. - 27. august 2017. Evnið á Bíbliuskeiðnum er: "Sí, eg komi skjótt!" (um Opinberingina).
Mannfólkavikuskifti í Nesvík
Árliga mannfólkavikuskifti í Nesvík verður um vikuskifti 15.-17. september. Fyrireikararnir boða frá eini spennandi og fjølbroyttari skrá...
Kristiligar bøkur til andliga uppbygging
Heimamissiónsforlagið (HMF) gevur út og selur kristiligar bøkur til andliga uppbygging.
Bíbliu-App - nú eisini til iPhone & iPad
Bíbliu-App, við Dahl/Viderø Bíbliuni, til iPhone, iPad og Android snildfonir frá Føroyska Bíbliufelagnum.
Kunngerðir
Møtir, gudstænastur og onnur kristilig tiltøk. Les meira...
Lýs á kristin.fo
Lýsingarprísir á kristin.fo eru bíligir. Ring ella skriva og fá eitt gott tilboð.


Talvudagur Hvítusunnudag fyri Føroyska Bíbliufelagið

02.06.2017 - 08:43 - Tíðindaskriv

Komandi sunnudag, hvítusunnudag, hevur Føroyska Bíbliufelagið talvudag í flestu fólkakirkjunum kring oyggjarnar.

Endamálið hjá Bíbliufelagnum er at geva út Bíbliuna, partar av henni og annað uppruna føroyskt og týtt tilfar til allar aldursbólkar.

Arbeiðið hjá Bíbliufelagnum verður fíggjað við limagjaldi og gávum og tí er talvudagurin ein góður fíggjarligur stuðul til virksemið hjá Bíbliufelagnum.

Innsavnaði peningurin, fer í ár serliga til bókaútgávur. Seint í summar, kemur ein barnabíbil fyri smærri børn út og arbeitt verður eisini við heilt nýggjari umseting av allari bíblini úr grundmálinum, sum Hans Jacob Joensen, frv. bispur hevur latið úr hondum .

Tað sum tó fyllir mest í ár, er útgávan av nýggja testamenti á gerandismáli, ætlað ungum og bíbliufremmandum. Hetta stórverk er umseting hjá Hera Tróndheim av “Den nye Aftale” hjá danska bíbliufelagnum og væntast at koma út seint í heyst.

Nú Føroyska Bíbliufelagið er vorðið sjálvstøðugur limur í Sameindu Bíbliufeløgum (United Bible Societies) saman við 118 øðrum londum, stuðla vit eisini altjóða bíbliuarbeiðnum, so tey, ið onga bíbliu eiga, kunnu lesa bíbliuna á sínum egna máli. Stuðul er fyrr latin India, Ukraina, Pakistan og Filipsoyggjunum.

Bíbliufelagið er eisini virkið við heimasíðu www.biblia.fo og Facebook síðu. Eisini hevur felagið útgivið eina framúrskarandi bíbliu-app til snildtelefonir og teldlar.