Kristiligar bøkur til andliga uppbygging
Heimamissiónsforlagið (HMF) gevur út og selur kristiligar bøkur til andliga uppbygging.
Bíbliu-App - nú eisini til iPhone & iPad
Bíbliu-App, við Dahl/Viderø Bíbliuni, til iPhone, iPad og Android snildfonir frá Føroyska Bíbliufelagnum.
Kunngerðir
Møtir, gudstænastur og onnur kristilig tiltøk. Les meira...
Lýs á kristin.fo
Lýsingarprísir á kristin.fo eru bíligir. Ring ella skriva og fá eitt gott tilboð.
Bønarsíðan
Bønarsíðan: Send tíni bønarevni til Kristin.fo og vit seta tað á hesa síðuna skjótast til ber...


Stórmøtir verða í Runavík um vikuskifti

19.10.2017 - 16:18 - Tíðindaskriv

Um vikuskifti verður ítróttarhøllin Bylgjan og Løkshøll í Runavík karmur um fleiri stór tiltøk. Talan er um árligu stórmøtini hjá Kirkjuligu Heimamissiónini.

Nógv verður gjørt fyri at bjóða nakað til børn, ung og vaksin. Bæði fríggjakvøld og leygarkvøld eru barnatiltøk á skránni í Løkshøll samstundis sum møti er í ítróttarhøllini – eitt upplagt høvi fyri alla familjuna at vera við, leggja fyrireikararnir dent á. Harafturat eru ungdómstiltøk á skránni fríggjakvøldið og leygarkvøldið kl. 22.

Evnið fyri Stórmøtini í ár er #Gleðiboðini2017, og til kvøldmøtini kemur Leif Andersen, sum er ein av mest umbidnu talarum í Danmark, at tala. Í samband við at 500 ár eru liðin síðan reformatiónina verður eisini ein fyrilestrarøð í Løkshøll leygardag seinnapart við heitinum “Hvat er so serligt við tí lutherska?”. Asger Chr. Højlund, doktari í gudfrøði og professari á Meinigheitsfakultetinum, undirvísir.

Nógv verður gjørt burturúr sanginum á Stórmøtunum. Ein stórur sangbólkur á eini 35 fólk leiðir felagssangin øll kvøldini. Talan er um vanligt orkestur umframt strúkarar, blásarar, floytur og kór. Harafturat eru framførslur við Blátt Gras, Gøtu kirkju ungdómskóri, Dávur og Villiam, Effata/Tabor kórinum, stóra kórinum frá barnasangfagnaðinum síðsta vikuskifti og Ernu og Tamaru.

Øll kvøldmøtini verða umsett til enskt umvegis headsett.

Meira kann lesast um Stórmøtini á www.mission.fo/stormoti-2017