Kristiligar bøkur til andliga uppbygging
Heimamissiónsforlagið (HMF) gevur út og selur kristiligar bøkur til andliga uppbygging.
Bíbliu-App - nú eisini til iPhone & iPad
Bíbliu-App, við Dahl/Viderø Bíbliuni, til iPhone, iPad og Android snildfonir frá Føroyska Bíbliufelagnum.
Kunngerðir
Møtir, gudstænastur og onnur kristilig tiltøk. Les meira...
Lýs á kristin.fo
Lýsingarprísir á kristin.fo eru bíligir. Ring ella skriva og fá eitt gott tilboð.
Bønarsíðan
Bønarsíðan: Send tíni bønarevni til Kristin.fo og vit seta tað á hesa síðuna skjótast til ber...


Bíbliufelagið: Søgulig útgáva á føroyskum!

30.10.2017 - 08:50 - Ásbjørn Jacobsen

31. oktober 2017 – sjálvan 500 ára dagin fyri trúbótina – fáa føroyingar fyri fyrstu ferð eitt Nýggja Testamenti á gerandismáli, kallað “Nýggi Sáttmálin”.

Útgávan er serliga ætlað ungum og teimum, sum ikki eru so væl kend við bíbilsku frásagnirnar, men øll kunna fáa gagn av at lesa hesa nýggu slóðbrótandi útgávu.

Tað er Heri Tróndheim, sum hevur týtt “Den Nye Aftale” hjá danska bíbliufelagnum. Onnur hava lisið týðingina, fyri at tryggja trúskap ímóti grundmálinum og at málið er gott føroyskt gerandismál.

Tað er forlagið “Bókin” hjá Føroyska Bíbliufelagnum, sum gevur út. Bókadeild Føroya Lærarafelags hevur ritstjórnað, og Føroyaprent staðið fyri uppseting og prenting. Mentamálaráðið hevur stuðlað verkætlanini.

Nýggi Sáttmálin er at fáa í bókasølum um alt landið, og bókin kostar 298,- kr.

Í samband við søguligu útgávuna, verður bókin løgd fram í Norðurlandahúsinum týsdagin 31. oktobur kl. 14. Øll eru hjartaliga vælkomin!

Meiri kunning fæst við at venda sær til aðalskrivaran hjá Bíbliufelagnum, Gunnar K. Nattestad á tlf. 787826.