Kristiligar bøkur til andliga uppbygging
Heimamissiónsforlagið (HMF) gevur út og selur kristiligar bøkur til andliga uppbygging.
Bíbliu-App - nú eisini til iPhone & iPad
Bíbliu-App, við Dahl/Viderø Bíbliuni, til iPhone, iPad og Android snildfonir frá Føroyska Bíbliufelagnum.
Kunngerðir
Møtir, gudstænastur og onnur kristilig tiltøk. Les meira...
Lýs á kristin.fo
Lýsingarprísir á kristin.fo eru bíligir. Ring ella skriva og fá eitt gott tilboð.
Bønarsíðan
Bønarsíðan: Send tíni bønarevni til Kristin.fo og vit seta tað á hesa síðuna skjótast til ber...


Barnakór til Noregs - 38 børn úr Føroyum

21.09.2017 - 20:20 - Ásbjørn Jacobsen

Í dag, hósdagin 21. september, fór eitt ferðalið til Skien í Norra. Talan er um eitt barnakór, sum í alt telur 38 børn í aldrinum 9 – 13 ár. Kórið eitur UNITY,  og er sett saman við børnum úr Missiónshúsinum á Strondum, Missiónshúsinum Libanon í Sørvági og Nebo á Toftum.

Kórið skal vera gestur hjá norska barnakórinum GLA´VOX, sum hoyrir heima í Skien, og koma at búgva hjá familjunum hjá børnunum í norska kórinum. GLA´VOX-kórið vitjaði í Føroyum í september í fjør, tá tey høvdu konsertir í fullsettum hølum í Christianskirkjuni í Klaksvík og Nebo á Toftum.

Ein spennandi skrá er løgd til rættis, har kórið m.a. kemur at vitja í Ráðhúsinum og í kirkjuni í Skien, og eisini verður tíð sett av til ein siglitúr í Telemarkskanaluni við 135 ára gomlu M/S Victoriu. Leygarkvøldið verður konsert í Gulsett kirkju í Skien, har føroyska og norska kórið koma at syngja í felag og hvør sær, bæði føroyskar og norskar sangir. Sunnumorgunin, 24. september, verður Gudstænasta í Gulsett kirkju, har føroyska kórið eisini kemur at luttaka.

Kórið verður aftur í Føroyum mánadagin 25. september.

Tað eru hjúnini Anita og Oddmar Tausen á Toftum, sum eru samskiparar av ferdini, og vera eisini vid í ferdalagnum.

Kristiliga Tíðindatænastan
v/Poul Jóhan Djurhuus
gjaranes@gmail.com